إحقاق الحق و إزهاق الباطل - التستري، القاضي نور الله - الصفحة ١٦١ - المستدرك على ما قدمناه من ترجمة القاضي الفضل بن روزبهان
اى سليمان صفات و عيسى دم |
وى نبى خصلت و ولى مقدم |
|
اى سخا ملكدا سپهسالار |
وى شجاعت ممالكيدا مدار |
|
اى سكندر سپاه و خضر الهام |
وى مسيحا دم و كليم كلام |
|
اى ديانت جهانيغا سلطان |
شاه بن شاه و خسرو دوران |
|
اى يوزينك آفتاب اوج جلال |
عالم أهلي قاشكندا ذرّه مثال |
|
تا ظهور ايلدينك بو عالم آرا |
نوشتى ذوق و سرور آدم آرا |
|
چالدينك اى شه جهانده كوس نويد |
يتتى دين أهليغه صداى بريد |
|
خسرو دين پناه شاه سليم |
صدف دهر ايچنده در يتيم |
|
تاپدى حق يوليدا طريق هدا |
خلد اللّه ملكه أبدا |
|
أهل اسلامنى هدايت قيل |
طرق شرعني رعايت قيل |
|
بيله كيم عدل و داد وار سنكا |
يار بولسون جهار يار سنكا |
|
بيلكه دين أهليغه امان سنسن |
مهدى آخر الزمان سنسن |
|
بار عدل و سخاك ايچون حيران |
يوز تومان حاتم ايله نوشيروان |
|
بيله كم سنده يار فتح و ظفر |
قدرت حقدور نه فعل بشر |
|
من ديمان كيم زمانه شاهيسين |
بلكه سن قدرت الهى سين |
|
سنكا اى شاه عرض حالم وار |
عرض ايتر ايمدى كيم مجاليم وار |
|
لطف ايله منينك مراديمه بيت |
داد خواهنك من ايمدى داديمه بيت |
|
بار ايدى مسكنيم خراساندا |
ملك خوارزم برله بلقاندا |
|
گورديم ايرسه بسى بلاى وطن |
بولديم اول ملكدين جلاى وطن |
|
دين سرايينى كفر ييقتى تمام |
كفر دين مسنديده توتتي مقام |
|
بدعت و فسق ييقتى عالمنى |
فسق حقدين آيردى آدمنى |
|
خاندانلر باريسى بولدى خراب |
قالمدى شرع ايچنده آب و تاب |
|