إحقاق الحق و إزهاق الباطل - التستري، القاضي نور الله - الصفحة ١٦٢ - المستدرك على ما قدمناه من ترجمة القاضي الفضل بن روزبهان
باغريمى كفر اوتى كباب ايتدى |
دين اسلامنى خراب ايتدى |
|
بنده سنى باك مذهب مين |
پيرو علم و دين و مكتب مين |
|
آنينك اچون بو بدعت أهلى دين |
منكا ييتى جفا و تيغ كين |
|
منكا توشمادى بو بلا يالغوز |
محنت و جور و ابتلا يالغوز |
|
كيم كه سنى ايتدى جفا گوردى |
بدعت أهليدن ابتلا گوردى |
|
سندين اميدوار در عالم |
لطفيه منتظر بنى آدم |
|
رشته كفرينى چكيب او اوزكيل |
ليك اسلام ايلينى تيز تو توزگيل |
|
انتظارينك چكر خراسانلق |
قيل خراساندا داقى سلطانلق |
|
بارشتاق سانكا أهل عراق |
ايله كيم جانه تن اير ورر مشتاق |
|
ما وراء النهر دا شاه و گدا |
قبله دورلر سنكا مدام دعا |
|
كه سنيك دولتينك فزون بولغاى |
دشمنينك زار و سرنگون بولغاى |
|
دولت و نصرتيله عزم ايله |
كفر دفعين قلورنى حزم ايله |
|
قورتار اسلام أهلينى غمدين |
محنت بدعتيله ماتمدين |
|
لطف ايتوب خستهلارغه درمان قيل |
خير ايچون زارلارغه احسان قيل |
|
كه جهانينك نويدى سنديندر |
دين ايلينك امدى سنديندر |
|
خواجه خسته كم اودور محزون |
بغرى پر خون و اشكيدور گلگون |
|
بيغلابان و صفو كى قيلار دايم |
تنكريدين دولتينك تيلار دايم |
|
كه وجودينك تاپوت حبات ابد |
كفر و بدعت ايلينى قيلغاى رد |
|
تخت نصرت سنكا مدام اولسون |
دولتينك داقى مستدام اولسون |
|