ثمرات الأعواد - الهاشمي الخطيب، علي بن الحسين - الصفحة ٢٢٦ - المطلب الثالث والأربعون في ترجمة علي الأكبر

همته بس يوصل الماي لحسين

لا گامن او گعدن الچفين

همته اطفال موته بالصواوين

عطاشى اگلوبهم تلهب امن الحر

اجاه السهم للگربه او فراها

وگف يبچي وسكنه ما نساها

مواعدها على اميّه لحشاها

او منها يستحي للخيم يسدر

سمع حسّه الحسين او ركب وارزم

غار اعلى العده من باب المخيم

رد يمّه او شافه سابح ابدم

تخوصر فوگ راسه والدمع خر

حط راسه بحضنه او راد الوادع

شاله وتربه عباس بالگاع

رد احسين راسه ابگلب مرتاع

شاله اردود للتربان والحر

نادى وقد ملأ البوادي صيحة

صمّ الصخور لهو لها تتألم

أأخي من يحمي بنات محمّد

إن صرن يسترحمن من لا يرحم