مناهج البكاء فى فجائع كربلاء - الفرطوسي الحويزي، حسین - الصفحة ١٨٩ - المنهج التاسع والعشرون فتلقى المجموع فرداً

بگه محني الضلوع احسين اجه وتوسط الحومه

وگف بالمعركه مهموم ينده صحبته او گومه

وگف بالمرعنه مهموم نده يا مسلم او هاني

حبيب او يالعلي يزهير اهلال او مسلم الثاني

اعاتبكم شعاتبكم شگلكم يگصر الساني

لامنكم جفه او هجران لا هذه محل نومه

وين الحر وين ابرير وين الشاكري عابس

انه لامه حرب شايل او درع امن الزرد لابس

نارالحرب والحر نار چبدي امن العطش يابس

اريد الماي والثايه تريد اهناك ملزومه

نحه وين ابن ابوي انهض يملگه الشر تلگه الشر

يا عباس يا جاسم وين ابني علي الأكبر

يا ضنوة عقيل ايهون يا ضنوة علي او جعفر

حيهم كنز ابو طالب ما بيكم بعد گومه

چانو قبل رد الصوت عنده للنخه حيهم

انه فيهم وهم فيَّ غده فيَّى او غده فيهم

البدر عباس ونجومه اخوتي البلفلك ظيهم

اليوم امن السما للگاع طاح البدر ونجومه