مناهج البكاء فى فجائع كربلاء - الفرطوسي الحويزي، حسین - الصفحة ١٨٧ - المنهج السابع والعشرون على الدنيا بعدك الصفاء

تلگه احسين دم الطفل بيده

اشحال اليچتل ابحضنه اوليده

شال او ترس چفه من وريده

او ذبّه للسما او للگاع ما خر

كل المصايب يبني اتهون

او لمصيبتك بالگلب چانون

فوگ العطش بالسهم مطعون

شگولن امجابل زلم بالكون

يو يطلبوك ابسابج اديون

شافوك ظامي امعوّر العين

علگم ريتلن يجري بحرها

عگب طفل الگضه ظامي بحرها

ابوجه احسين عينه من بحرها

الله ايساعده الراعي الحميّه

لوله القدر دون احسين ما حال

تمنعه الگوم عن الورد ماحال

الصبر لحسين بس مكفوف مالحال

ابو اليچتل على صدره ابنيّه

لهيم اولا اسچن ابمنزل ولا دار

رضيع الماجره امصابه ولادار

ابثيديه امحيره لا حن ولا دار

ورضعه امدوهنه غصبن عليّه

عليك انفتح جفن العين وافتاك

او سهم نحرك ابگلبي وگع وفتاك

ابچتل الطفل من آمرك وفتاك

يبن كاهل شله وياك سيّه