مناهج البكاء فى فجائع كربلاء - الفرطوسي الحويزي، حسین - الصفحة ٦٢ - المنهج العاشر اول القدر والخيانة

يا كربلا جيناچ خطّار

او عفنه منازلنا والديار

يا كربلا ريتيچ فنيتي

او سبع من اضلوعي حنيتي

نزلنا كربلا بالشوم لاهل

غُرُبْ ملنا احد لا گوم لاهل

اهلالك ريت يا عاشور لاهل

هليت ابجتل كومي عليه

طب كربلا حسين او نزلها

واتحاشمت عدوان كلها

تمنت حيدر حاضر الها

من كثر روعتها او وجلها

تگلهم بعد يكرام شلها

يهل الفراسه اومراجلها

يجياد من يقفل حملها

اشيشيل الكلافه غير اهلها

كلمن يجر سيفه او يگلها

شوفي اخوتچ شنهو فعلها

گلبي ارتاع من هل الأرض ويفال

او شملي خفت بيها يطش ويفال

گالوا كربلا او ناديت وي فال

ارض كرب او بله او حزن او عزيه

نزل وبكربلا اخيامه نصبها

او لعد الموت راياته نصبها

عليه امقدر امن الله نصبها

مصارعهم بهل التربة الزچية

الخيل احسين للغارات عنها

نصه او فرسانها للموت عنها

سار الكربلا او من سئل عنها

نزلها وگال من هذي المنيه