مناهج البكاء فى فجائع كربلاء - الفرطوسي الحويزي، حسین - الصفحة ١٧٧ - المنهج السابع والعشرون على الدنيا بعدك الصفاء

ليس يبقى سوى الشهادة فيها

بين سمرٍ تحنى وبيض وضاء

فتوارى وهو الشهيد كريما

فوق مهد منها وتحت غطاء

تسايل يا دمع لوداع الأكبر

يگلبي ذوب لوداعه او تفطر

يويلي من تلاگو عند الوداع

امشابگ طول لمن هووا للگاع

لاع ابنه لبيه والابو لاع

على ابنيّه يويلي اوداع الاگشر

يشم احسين خد ابنه او يحبّه

او دمعه مثل دمع ابنه يصبه

والنار البگلب ابنه ابگلبه

يخفيها على ابنه اونوب تظهر

يگله والدمع بالعين دفاق

ابعبره امكسره وابگلب خفاگ

يبويه اوداعة الله هذا الفراق

يبويه اشبيدنه هذا المگدّر

يبويه للسيوف اسدر او للزان

او لوح ابغاربه وشلش الميدان

يبويه اليوم مرواحك للجنان

او بالكوثر يبويه اليوم تفطر

تحسر ويل گلبي او جذب ونّه

او من الماي آه انگطع ظنّه

عرف لن المنيّه دنت منّه

خر دمعه او للميدان سدّر

الاكبر برز للميدان وحماه

وگلب ليله شجر تنّور واحماه

يمن رد يوسف اليعقوب وحماه

ترد الأكبر ابجودك عليّه

رج الاكبر الجيمه وشبها

وذاه الكهل من باسه وشبها

يشبه حيدر ابباسه وشبها

ابعزرائيل جَسّام المنيّه